spraak

Ik will hier blot kort wat över de plattdütsche Spraak vertelln. Plattütsch, ok as Nedderdütsch oder Neddersassisch bekannt hört to de westgermanischen Spraaken un is eng mit dat Nedderländsche, Engelsche un Hochdütsche verwandt. Man in Ünnerscheed to dat Hochdütsche hett Platt de tweete Lautverschuvung nich mit mokt. Denn blots dat Hochdütsche hett dat mokt. Dat is mit een Grund darför, dat man as Plattdütschen
all de annern germanischen Spraaken een beten lichter lernen kann as 'n Hochdütschen.
Plattdütsch is ut dat Oldsassische entstahn. Dat hebbt ok de Angelsassen snackt as se na England utwannert sünd. In Norddütschland hett sück dorut denn mit de Tied dat Middelnedderdütsche bild. Dat weer so üm 1100/1150 n.Chr.. De middelnedderdütsche Spraak weer ok de Spraak vun de Koopmannsbund Hanse. Dör de Kooplüüd woor dat Middelnedderdütsche een internationale Hannelsspraak rund üm de Nord- un Ostsee. In de Tied sünd bannig veele nedderdütsche Wöör denn ok vun de ostskandinavischen Spraaken as Lehnwöör opnahmen woorn. Spraakforscher meenen dat dat so bit to 70 Perzent vun dat Ostskandinavische weer. To'n eersten mol käm denn ok so'n Oort "Normierung",
de Lübecker Norm op. Bi 1600 hebbt de högeren Schichten denn anfungen ok in Norddütschland Hochdütsch to snacken un dat Middelnedderdütsche hett so na un na an Bedüdung verlorn. Vundag is dat Plattdütsche in veele Dialekten opsplittert, wiel dat dat keen eegen Hochspraak hett. Dat Hochdütsche hett disse Opgav övernahmen un hett ok sunst in wieten Deelen dat Plattdütsche verdrängt. Liekers ward Platt noch schnackt un dat nich blot op'n Land un in Norddütschland sünnern in de heele Welt, wat uns dat Internet wies moken kann.

platt-online.de De plattütsche Spraak

De plattdütsche Spraak

allgemeen wat över Plattdütsch

Spraakwetenschaap un Forschung

Plattdütsch an de hoge School